囝囝搗亂勁得戚 林芊妤大嗌頂唔順

林芊妤（Coffee）平日不時在網上分享跟兒子翟德彥（伯伯）的生活日常，疫情下Coffee與囝囝日對夜對，昨日她竟然大叫「頂唔順」。Coffee上載的照片中，只見一地都是玩具，她生氣得抓亂頭髮，但兒子卻得戚地笑住行開，場面搞笑。

Coffee留言說︰「我係一個對屋企整潔度有好高要求嘅人，追求簡潔舒適嘅家居環境，每日睇住呢個情景真係一個折磨，啱啱執完下一秒又亂過。#當屋企有位處女座#點解係得我一個頂唔順」她又以兒子口吻自嘲：「呢個女人真係好難相處。」另外，Coffee每日花半小時陪囝囝閱讀，幫助他增強記憶力及專注力。