江伊晴經營貓酒店 入住率谷底反彈

江伊晴（Elanne、前名江若琳）與友人合資經營貓酒店，面對疫情影響港人外遊，Elanne坦言生意大減，今年五月出現過全月「０」入住率，但她未有心灰意冷，反而為店舖增值，將推出自家寵物產品。近日得到貓奴支持，貓咪入住率已回升，下月更會搬「新竇」，地方更大。

江伊晴本身也是一位貓奴，她睇準港人暫託貓咪的商機開設貓季酒店。她接受《晴報》訪問，提到生意受疫情衝擊下，起初有段時間覺得好似世界停頓了，但又不能一直停落去，於是要想想新構思。

Elanne表示貓酒店亦有淡旺季之分，慶幸最近兩個月都不停有貓咪入住，她透露：「因為呢段時間好多人裝修，加上最近掀起移民潮，好多貓咪嘅主人，都會透過移民公司幫手搵貓酒店，好好彩佢哋睇中我哋酒店，所以貓咪嘅入住率都相當穩定。」而下個月更會搬新居，同樣在九龍區，但面積將會更寬敞。

為了全面照顧「主子」這些專貴客人，Elanne認為一定要幫貓酒店增值，舖頭會兼顧零售生意。她表示︰「我哋會四圍搜羅一啲貓咪用品同埋貓糧，雖然依家唔可以親身飛去外地入貨，但我哋都搵到代理幫手，又會推出自家品牌，預計下個月搬新居時一齊推出。」

留家抗疫努力「造人」

至於老公蕭唯展（Oscar）的上海生煎包店，開業多年已上軌道，Elanne坦言多少都有受疫情影響，幸好外賣生意仍不錯，她自爆︰「最近老公每晚都埋頭苦幹度菜單，都無時間打理佢啲植物！」提到Elanne的個人工作，她透露有拍攝廣告照，而最近多了時間留在家中學煮飯和做運動，記者笑問她和老公長時間留在家中，可有喜訊傳出來？她笑言︰「順其自然啦！努力緊嘅。」

採訪︰Pauline

編輯：陳禮恒

美術：梁政敏