麥潔文仲敢唱《夜夜痴纏》

麥潔文（Kitman）早前接受香港開電視訪問，並即場向主播馬梓軒傳授唱歌技巧。Kitman早於90年代已開始教唱歌，她強調︰「唱歌前嗌聲好重要，平時都要識得保養把聲，我成日叫啲學生唔好打邊爐同BBQ，因為對把聲造成好大傷害！」

提到她當年主唱電影《靈氣逼人》的主題曲《夜夜痴纏》，一直流傳是廣播界禁歌，因為傳聞在深宵電台節目中播放這首歌時，一播就會鬧鬼。Kitman坦言︰「其實我都感覺過！有次夜晚聽到有人播呢首歌，我突然間一片空白，好似聽唔到嘢咁。呢首歌嘅『嗚嗚』聲前奏，係特別令人有感覺同埋幾嚇人，但最緊要大家唔好咁多邪念就無事！（依家仲敢唔敢唱？）咩唔敢呀！我成日演唱會都唱，係指定歌曲，唔唱唔得！」