李佳芯唔敢升呢做「芯姐」

李佳芯（Ali）與陳豪昨日出席宣傳活動，司儀吳業坤（坤哥）稱呼Ali做「芯姐」，Ali即哭笑不得，更四處張望。Ali事後笑言不敢自認「芯姐」：「我唔識點反應，我真係以為謝雪心嚟咗，呢啲嘢唔可以亂嚟。（稱呼做視后？）呢樣我識得應，因為好彩都叫攞咗獎。」

Ali笑言自己在新劇《殺手》中的角色較粗魯：「拍攝嗰排會好自然咁擘開腳坐。」男友陳炳銓有否叫她斯文一點？她笑說：「嗰時大家好忙比較少見，其實我平時都唔係斯文，但都未至於咁誇張。」至於陳豪表示自己的角色喜歡撩女仔，但樂而不淫。