陳嘉倩半夜放工遇狂迷

前無綫新聞主播陳嘉倩向來是宅男女神，日前她在ViuTV節目《有酒今晚吹》中，大爆曾遇狂迷及男藝人示愛的經過。她自言以往做主播時，不時有熱情粉絲跟隨：「試過有次凌晨12點收工，有個男仔喺電視城對面馬路等我，佢揸住紮花大叫我個名，仲話想送我返屋企，但我拒絕咗。」

另外，陳嘉倩自爆曾在卡拉OK慶功宴聚會識到一位無綫男藝人，對方其後傳信息示愛。陳嘉倩說：「識咗唔係好耐，佢有text、有表白。我好怕收到呢啲drunk message，我估佢飲醉咗，因為信息斷斷續續同無邏輯。」她不願開名，只表示對方是一位全能男藝人。