恨與男友拍劇演情侶 張寶兒想摑袁偉豪發洩

張寶兒前晚錄影音樂節目《流行經典50年》，與男友袁偉豪愛得甜蜜的她，坦言希望與男友合作拍劇演情侶，令她可以乘機在拍劇中「攞正牌」吵架及「糟質」男友，十分搞笑。

張寶兒日前在袁偉豪主持的節目《兩個小生去Camping》亮相，袁偉豪大讚寶兒為了成就他而犧牲很多，日後他會努力反過來成就女友。寶兒前晚提到男友大讚她時冧笑說：「其實兩個人相處，都係想對方成為更好嘅人，我哋一直都係咁做。」

問他們的關係何時再進一步（結婚）？寶兒即轉話題笑說：「我想同男友合作拍劇，演情侶都無所謂。不過最理想係同現實相反，例如多啲嗌交戲。」問她是否想在劇中掌摑袁偉豪？她即興奮說：「好呀！等我宣洩一下。」

搶咪連唱9小時

另外，寶兒前晚在《流行經典50年》中大開金口，獻唱鄭欣宜的《擁抱愛》。她坦言擔心忘記歌詞，又指袁偉豪錄影前一晚有陪她練歌：「佢叫我放鬆啲，但係除咗商演，我未試過喺節目上唱歌，所以有啲緊張。」她自爆平日愛唱K，試過跟朋友唱足九小時，但竟未試過與男友合唱：「我哋試過夾band，我彈琴，佢就彈結他，我覺得佢把聲比較適合唱外語歌。」

採訪︰Pauline

攝影︰林良明

編輯：李潔盈

美術：梁政敏