16歲被星探發掘拍MV 張松枝：當年係卡拉OK天王

張松枝日前接受梁梓禧主持的香港開電視節目《是敢的》訪問，「60後」張松枝自幼家境窮困，少年時被星探發掘做模特兒，後來因密密拍卡拉OK歌曲MV，成為唱K必定見到的「御用男主角」。

現年53歲的張松枝，自幼在屋邨長大，童年時幫父母「黐膠花」和裝嵌零件幫補家計。他在節目中說：「雖然當年每天得七毫子零用錢，食早餐、買雪條，仲剩低兩毫子買聖誕禮物，都好開心。」他16歲時被星探發掘，成為廣告模特兒，讓他終於「脫貧」：「當時暑期工去工廠打工，一個月得3,000幾蚊，但我拍一個廣告已賺2,000蚊。」及後卡拉OK流行，張松枝更成為「卡拉OK天王」，拍攝K歌MV，全盛時期一星期開工四日，每天拍三、四首歌，收入不俗。及後張松枝加盟無綫，主要做「綠葉」角色：「其實我做配角好開心，壓力無咁大，發揮又多，所以我好滿足於自己崗位。」

感激太太放棄事業

張松枝08年跟林峯的化粧師結婚，他盛讚太太「萬中無一」︰「她放棄咗事業、放棄所有嘢嫁畀我，為我生兒育女。我問過佢點解揀我，原來佢有睇《巾幗梟雄》，覺得我做得好好，應該有更好嘅演藝前途，太太仲話『我同你一起有希望，只要你努力啲，我鞭策一下你就得』，佢好支持我。」

撰文︰倪小珊

編輯︰李潔盈

美術︰梁政敏