苗僑偉陪黃日華踢波散心

苗僑偉（三哥）早前由外地趕返港，對於好兄弟黃日華的妻子梁潔華（華女）日前病逝，三哥表示會陪伴好友︰「早兩日同佢（黃日華）一齊食早餐，兩兄弟乜都傾，佢同囡囡都有心理準備。其實呢一年幾以嚟，華女都係醫院、屋企兩邊走，不過兩父女好堅強，依家華女終於脫離苦海，唔使再食藥。」

三哥見證黃日華與華女的愛情︰「佢哋由拍拖到結婚，佢好愛華女，拍拖之後有異性無人性。」他表示黃日華也明白要接受現實︰「與其痛苦中度日，不如好好解脫，所以最近佢都有出嚟踢波。」

採訪︰Pauline