被批活唔過25歲 蔡瀚億改名避過一劫

蔡瀚億（BabyJohn）到商台宣傳其個人相展，他接受森美訪問時，透露小學原名叫「蔡銘彥」：「小六時屋企人帶我睇相，風水師話我唔改名，到25歲就會無命，父母就幫我改名『蔡瀚億』。」

BabyJohn笑言節目播出後，竟然在網上收到小學同學的相認信息，令他甚感動：「好想搵番呢班小學同學，佢哋話《狂舞派》已經認得我，佢哋亦有聚會，嚟緊會約佢哋去相展。我最想搵番一位肥仔同學，嗰時好多朋友仔都係一肥一瘦㗎嘛。我哋讀小三就識，以前一放學就去肥仔屋企玩，到小五、小六都仲係好朋友，上咗中學就無聯絡。」

攝影：林良明