疫情下開工BB大晒 馬國明新劇要遷就小演員

政府實施「限聚令」，限制範圍涉及影視圈，如果四人以上拍外景須先取得「不反對通知書」。馬國明忙於拍攝新劇《BB大晒》，昨日他在電視城開工，表示最近晚晚開廠，未有時間了解新修例，但認為拍攝進度會受到「限聚令」影響。

馬明表示︰「公司多年來都係外景接廠景，廠景接外景，但依家仲未知幾時拍外景，要等公司安排。（安排BB拍攝都有困難？）劇中嘅小朋友都係間中先嚟，佢哋嚟到就會先跳拍佢哋嘅戲份。」他又透露劇集原定下月初煞科，但現在看來應該趕不及，連帶之後的工作都要順延，馬明希望《白色強人2》可以在年底順利開工。他笑言：「現時喺公司餐廳食飯，只能夠四人一枱，我哋上次五個人食飯都要分兩張枱坐。」

採訪︰Pauline

攝影︰林良明