為慈善開金口翻唱情歌 麥長青大叔歌喉試水溫

麥長青（麥包）於80年代主持兒童節目《閃電傳真機》深入民心，早年曾獻唱過兩首兒歌的他，計劃再開金口推出慈善翻唱碟，幫助弱勢社群；日前麥包更上載練歌片段到社交網試水溫，不少網民驚嘆他原來暗藏充滿感情的滄桑好歌喉，麥包昨日接受《晴報》電話訪問時透露︰「有少少壓力，但我會唱出自己獨特嘅個性。」

今年52歲的麥包，早年唱過兒歌《親親爹媽》及與黃婉瑤合唱的《成長必經雨》，此外，他有份為經典兒歌《小老鼠與大花貓》拍攝的MV，更是很多八十後的童年回憶。事隔多年，麥包今次決定重開金口，但不再唱兒歌，而是翻唱懷舊經典歌，麥包向本報透露︰「除咗我，仲有其他藝人一齊玩，係一張慈善翻唱碟，遲啲仲可能會搞個音樂會。」

呼籲網民非喜勿插

麥包透露是一位圈外朋友拉攏今次合作，而他則負責邀請圈中好友參與，又表示︰「之前同呢位朋友一齊派口罩，大家都覺得應該要為弱勢社群做些事，所以計劃出呢張慈善碟，希望可以九月前推出，依家監製仲揀緊歌。」

一向做慈善不遺餘力的麥包，強調今次純粹玩票性質，他表示︰「我唔識唱歌，音準又唔得，呢次貪得意㗎咋！不過真係想喺呢個疫情下，幫助一啲社會上要幫助嘅人，回饋社會。」又透露已選定台灣歌手張鎬哲的國語歌《好男人》，連日來已秘密練兵，他日前將自己初試啼聲的片段上載到社交網試水溫，麥包分別唱出《分分鐘需要你》及《好男人》，並留言自嘲︰「夜了，有位大叔想唱歌𠱁你瞓覺，哈哈哈！#大叔賣唱#非喜勿插#唱得唔好就梗㗎啦」。

不過，不少網民都對麥包低沉沙啞的聲綫另眼相看，紛紛留言稱讚，「好好聽啊，麥包嫂一定冧死啊」、「其實都難唱，但係……唱得好好聽吖」，麥包則不諱言︰「其實都有少少壓力，不過依家我唔理喇，要聽唱得好嘅歌都唔會聽我啦，我唱我自己嘅感覺出嚟，會有個人嘅獨特個性，我嘅歌唱老師就係卡拉OK。」

至於在疫情影響下，麥包有不少工作都要延期或取消，包括兩、三套電視劇和電影，損失達七位數，他無奈表示︰「都好感恩呢排仲有少少工作。香港嗰間中菜餐廳依家試緊做外賣，但如果做唔住都要執。」

撰文︰倪小珊

編輯︰黃寶恩

美術︰梁政敏