無工開兼泳校停課 方力申零收入：靠積蓄過活

方力申（小方）前晚錄影遊戲節目《娛樂大家10點半》，提到新冠肺炎疫情影響不少圈中人生計，小方自爆上月零工作，加上其開辦的游泳學校停課，他惟有靠積蓄過活。

方力申已有一段時間沒有在無綫亮相，他坦言因疫情關係，上月完全無工開，本月暫時也只得兩項網上工作：「電影行業已經停晒，二月我係零工作，即係等於零收入，成個月都係有出無入，所以我發覺有積蓄真係好緊要，上個月我都係靠個人積蓄度過難關。」

至於有份開設的游泳學校，小方表示因應疫情，上月已開始停課，不過仍有出糧給七名全職員工：「今個月員工都要放半個月無薪假，好彩暫時未有裁員壓力，部分游水教練都係part-time形式，據我所知好多師兄弟呢段時間都轉咗做送外賣、揸的士或者Uber。依家惟有盡量撑得幾多得幾多，希望大家都捱得住。」他坦言前年開辦學校，本預計今年能夠回本：「依家睇嚟今年都應該仲輸緊，開頭仲話開校係為理想，唔係為賺錢，真係烏鴉口。」

贊成奧運延期

另外，提到東京奧運將延期一年，小方大表贊成：「一定要押後，無可能繼續比賽，因為全世界都受疫情影響。押後一年有好有唔好，唔好嘅係運動員年紀大一年，體力亦會下降；好處係原本一啲年齡未達標嘅運動員，可以趁呢一年積極備戰，爭取奧運參賽資格。」

採訪︰Pauline

攝影︰林良明

編輯：李潔盈

美術：梁政敏