姚子羚與舊愛飯聚：唔係復合

姚子羚前晚錄影《流行經典50年》，去年姚子羚疑似做第三者，介入舊愛Raymond的婚姻，後來二人分手。近日她被拍到與Raymond食飯，不過她澄清並非復合，大家再見亦是朋友。

姚子羚前晚獻唱張惠妹的《解脫》，她笑言唱國語抒情歌會比較有感覺，又否認憑歌寄意：「只係我鍾意張惠妹嘅歌，呢首歌已經唔算難唱。」她笑指自己絕非「咪霸」，又大爆「胡說八道」好姊妹中，胡杏兒才是真正「咪霸」，飲歌更是天后Whitney Houston的歌曲。

姚子羚去年被爆陷入四角戀，她與有婦之夫Raymond拍拖，但男方除了老婆蔡宛珊外，被指尚有另一個圈外女友；事件曝光後，姚子羚強調早與男方分手。不過近日有傳媒拍得姚子羚與Raymond食飯，惹來復合傳聞，她前晚大方說：「係朋友聚會，我有出席，佢又在場，大家一直都係朋友。（有機會復合？）將來嘅事將來先算，我哋無因為之前嘅事有芥蒂，亦無嬲，大家都係成年人，我不嬲都可以同以前男朋友做番朋友。」何時展開新戀情？她笑言目前只想工作，但受疫情影響，原定到馬來西亞及加拿大登台的工作，都相繼取消或延期。

採訪：Pauline

攝影：林良明

編輯：李潔盈

美術：梁政敏