許志安派口罩唔出鏡 蘇永康︰低調唔係壞事

蘇永康、謝東閔與胡定欣等前晚在電視城演出《星光熠熠耀保良》，早前蘇永康孖老友許志安為慈善機構派口罩，蘇永康笑言今次他主動找安仔等好友捐口罩及派發，又力撑安仔向來低調行善。

提到日前偕許志安為慈善機構派發口罩給老人家，蘇永康表示與慈善機構已合作多年，今次與一班好友共捐出數千個口罩行善。他說：「我知道機構嘅口罩存貨就快無，我又有貨源幫到手，所以打畀張衞健、梁漢文同安仔等，個個即刻認捐1,000至3,000個口罩，解決咗慈善機構嘅需要。（安仔低調唔想上鏡？）呢樣貫徹安仔嘅性格，低調唔係壞事，最緊要做好事。」

另外，蘇永康前晚與同場的謝東閔撞衫，身為後輩的謝東閔立即換衫避免尷尬。蘇永康笑說：「我同謝東閔都唔係第一次撞衫，咁啱大家都鍾意同一個牌子，好彩佢有多套衫換。」他笑言前晚難得上電視唱歌，所以太太及兒子Jazz特地來捧場，下星期三歲生日的Jazz更帶了私伙玩具結他現身。

唔想兒子入行

蘇永康笑指囝囝雖然未像自己般貪靚，但十分喜歡玩樂器，對音樂亦很有潛質及興趣，問他將來會否贊成囝囝入行？他即耍手說：「最好唔好，就算係都要讀完書。我老竇話音樂係高尚興趣，但以此為職業就唔係咁好。老竇係夜總會樂手出身，我當年參加新秀後，因為有張八年合約，又有晒部署，老竇先肯幫我簽約。」

撰文︰Pauline

編輯：李潔盈

美術：梁政敏