拍《辣伙頭》血染廚房 鄧月平切傷手唔出聲

鄧月平（Larine）參與ViuTV煮食綜藝節目《辣伙頭》今晚首播，Larine在首集已大展廚藝，原來從小得媽媽訓練：「我諗大家唔會覺得我識煮嘢食，其實我六歲開始，媽咪已經叫我入廚房幫手，切餸煮嘢食。屋企人覺得獨立要由細培養，佢哋覺得我將來做賢淑嘅太太，係必須要識入廚。」

Larine錄影《辣伙頭》時，不時幫助其他參賽者。如首集參賽者洛兒煮到失火，Larine竟一手幫對方拿開着火的煲，相當厲害；Larine又幫另一位參賽者切帶子，結果切傷左手手掌：「我幫佢開帶子嗰陣太急，把刀隊咗落手，我見有血飛出嚟，即刻用紙巾包住，傷口都幾深，但無人發現我受傷。」