為新戲谷肥42磅 鄧月平：朋友以為我退出娛圈

鄧月平早前為拍攝陳果新片《墮胎師》，兩個月內由101磅極速增肥至143磅，不但日日食六、七餐，睡前食雪糕或快餐做宵夜，早餐則食麻辣火鍋。她說：「啲衫真係着唔落要買過晒，拍攝嘅時候係夏天，我要keep住食，唔可以畀磅數跌得太快。我個角色係個又肥、智商有問題嘅女仔，天氣又熱又侷又食唔落嘢，但都要夾硬食晒啲飯盒，其實幾辛苦。」

年僅22歲的鄧月平要犧牲身材，辛酸不足為外人道：「媽咪見到我肥到咁都有喊過，起初我恃住青春無嘢驚，但後來荷爾蒙失調，用咗好多時間調理身體。」但她仍開心說：「我覺得終於有個脫胎換骨嘅鄧月平畀大家睇，當時增肥要保密，好多朋友以為我退出娛圈，仲問點解我自暴自棄。」