人妻遊順德嘆自助餐狂食西瓜 塞車旅巴上「山洪暴發」臭到團友嘔

「絞肚痛」的感覺已是難忍，若再遇上塞車，相信更令人絕望！一名人妻日前參加旅行團遊順德，豪嘆自助早餐後起程回港，未料因曾狂食西瓜，在旅遊巴上突然便意湧現，卻遇上塞車，人妻終忍不住「山洪暴發」，令車內頓時臭氣熏天，有團友更因而嘔吐大作。人妻更在車廂遺下「痕跡」，十分尷尬，最終與丈夫被趕下車。

人妻食自助早餐沒節制 狂食西瓜致車上「山洪暴發」

有網民日前在網上論壇「親子王國」發帖，分享遊順德時遇上的「奇事」，指團友中有一家四口，其中年約3、 40歲的人妻食自助早餐時食得好飽，

「老公叫佢唔好食咁多，老婆話難得有西瓜食就狂食。點知去到虎門大橋度急，好急、極急，但當時又塞車，最終山洪暴發。」

樓主續指，車上本來已有團友暈車浪而塗白花油，「而家變成藥油味，嘔味同S味。」司機見狀後忍不住「爆粗」破口大罵，本來坐車頭的人妻於是起身行去車尾，

「起身果一刻，見到啡色嘅拉絲，由車頭行到去車尾，點知無空位。」

為慳錢拒往酒店善後 結果被團友趕落車

其夫見狀，建議妻子到虎門大橋後立即落車，再找一間平價酒店處理好才繼續回程，

「個老婆話又要使一筆，又要再畀4個人車錢，之後就叫個司機過橋後就停油站。當時車上好多人投訴要趕佢落車，又有人嘔、又有人要搽油，旅遊巴又開唔到窗，個司機焗住埋油站。」

到達油站後，丈夫站在車門位置以防司機開車走，後見團友怒氣沖天才願離車，與妻子急忙爬入行李層找回行李，狼狽地冒雨離開。

樓主又補充，該名人妻起初一度「死忍」，曾穿多件外套上身，以圖「用熱力令到無咁肚痛」，但最終難阻「城門失守」。樓主不禁向網民詢問「忍便大法」。

網民同情處境 但指人妻應負上責任

此事引來熱議，不少網民大呼噁心的同時，亦對人妻的尷尬處境大為同情，「當事人都唔想，都係攪肚痛先忍唔到！戥佢慘」、「其實唔係玻璃肚嘅人真係未必明，雖則話個老婆自己攞嚟衰，但有時肚屙嘅嘢話嚟就嚟」。亦有人認為人妻亦有責任，「應該小心飲食」、「其實佢老公提議即刻落車搵間酒店整理好係好辦法」。另有網民建議「如果要坐長途車，我會上車前至少半個鐘都唔食嘢，搵廁所盡量排清先上車」。

營養師：食自助餐切忌眼闊肚窄

香港營養師學會認可營養師吳耀芬（Kathy）早前接受《晴報》訪問時提醒，食自助餐切忌眼闊肚窄，每次只取少量食物，吃完再添，可以多起身走動之餘，又減少因不想浪費而進食過量。而大腦需要至少20分鐘才會發出飽肚感的信息，建議吃至6至7成飽後先停一停，避免過量進食。

延伸閱讀：【聖誕新年大餐】自助餐搏到盡易食滯損腸胃 拆解4大「抵食回本」健康貼士

撰文：李凱晴