林穎彤拍廣告 被急口令對白考起

林穎彤（Bella）最近獲信貸公司續約做代言人，希望將她打造成新一代信貸女神。新一輯電視及硬照廣告，Bella繼續以不同造型亮相，更為她度身訂造Cashing Pro女郎制服。她表示︰「細細個成日幻想將來可以着制服返工，覺得着制服有一份使命感，導演亦要求我着制服時講對白要用比較威嚴、專業嘅態度去表達，最高難度係喺有限廣告時間，講好多對白同忠告字眼，好似講緊急口令，咬字又要清晰，都好考起我，係一個好好嘅經驗。」