《兄弟幫》散band 阿Bob︰完成歷史任務

由林盛斌（Bob）、范振鋒及王梓軒等主持的J2節目《兄弟幫》，不經不覺已做了十個年頭，昨日在將軍澳電視城錄影最後一集，大家都有點依依不捨。陳國峰宣布太太懷第二胎，即為現場添上一點喜悅氣氛。

阿Bob、王梓軒、陳國峰及梁競徽等昨日錄影《兄弟幫》最後一集，將於明年1月3日播出，節目便正式告一段落。面對突如其來的消息，Bob稱︰「節目都經歷咗十年、拍攝超過2,500集，雖然大家都好唔捨得，但總算完成歷史任務。最重要識到一班好兄弟，又令到好多觀眾認識我，亦有唔同嘅監製、綜藝同戲劇工作搵我！」至於為何不繼續做下去？Bob解釋一個節目做了十年，已經非常難得，即使繼續做，也總有完結的一天，這個時候告別也非壞事。

梁競徽表示可以讓大家停一停，各走自己的路，往後或會再以另一形式再聚。問到會否多拍劇集？他說︰「啱啱客串完《使徒行者3》，劇入面有同林峯重逢嘅場口。（佢有無請你去飲喜酒？）有啊！之前煞科宴咪有食飯囉，因為佢要離開香港嘛！」提到「峯嫂」張馨月，梁競徽直言已不是第一次見︰「我呢啲入室兄弟，見過（張馨月）好多次。」

陳國峰老婆再懷孕

「巨聲幫」出身的陳國峰兩年前做爸爸，日前剛度過37歲生日，他昨日宣布太太黃思雅懷第二胎，今胎繼續是男B，不過國峰表示兩個夠晒數，無意再追小公主。他說︰「太太依家佗咗四個幾月，係計劃之內，我哋都不設防，不過兩個夠晒數，唔使追女，我哋都鍾意仔，依家努力搵奶粉錢，接多啲工作！」

撰文︰Pauline

編輯︰陳禮恒

美術︰李明