大埔和風小店 Cute爆兒童餐

這間位於大埔的居酒屋大行親子路綫，推出Cute爆兒童餐，「我自己都有兩個小朋友，出去食飯總係好苦惱，但一有兒童餐，小朋友就開心，大人又可以享受到飲酒的輕鬆氣氛，一舉兩得！」老闆Samantha說。

兒童餐有烏冬和茶碗蒸，另有章魚腸仔和公仔飯糰，造型可愛，很有心機，絕對能引起小孩食慾。各位父母安頓好「化骨龍」後，當然都要醫自己肚。店子食材選購上都有講究，加上即叫即燒，質素頗有驚喜。以招牌雞肉串為例，特選了日本博多雞髀肉，肉質結實多汁、雞味突出。雞肉Size比坊間大，一口一件，很有滿足感。

另一人氣必食是炸日本池魚仔，不會過乾，更有魚肉鮮味，外皮鹹香可口，佐酒一流。如果多人齊齊Share，推介柯打豚肉拼盤，可以一次過試到不同豬肉燒物，CP值高，尤其燒豚肉提子卷，一咬爆汁，清新解膩的食法很有新鮮感呢！

溏串小町

地址︰大埔翠和里麗和閣地舖（太和中心對面）

電話︰9444 6815

營業時間︰12nn-3pm、6pm-12mn

編輯：余運慶

美術：梁政敏