梁靖琪拗贏老公 着高踭鞋出騷

梁靖琪（Toby）自九月宣布懷孕後，昨日首次出席公開活動，肚大如籮的她腳踏四吋高踭鞋，更自爆老公一度不讓她穿高踭鞋，她說︰「我前一晚試咗好多裙都唔啱，所以情緒低落到喊。」

對於因選不到心水靚裙而爆喊的Toby說︰「老公𠱁我着乜鞋都靚，我話着一陣（高踭鞋）就除，同佢拗咗成20分鐘。」Toby又指陀B期間不算情緒化，只是喊過兩次，她表示︰「其實都keep住令自己開心，不過記性就差咗好多。」而預產期是明年年頭，問她心情是否緊張？她說︰「都緊張，仲成日發夢生仔。」Toby又透露11月尾會出席另一個活動，之後便專心養胎，預計明年六、七月復出拍劇。

韓君婷幫自己紋眉

至於久未露面的韓君婷則忙於打理美容生意，她表示閒時亦會替客人飄眉，「好多女仔都有高低眉，我自己都有呢個問題，所以我就幫佢哋飄眉，等佢哋重拾自信。」她又透露早前44歲生日時替自己紋眉，感到很有滿足感。

撰文︰倪小珊

編輯︰黃卉彤

美術︰梁政敏

攝影︰林良明