首映賀49歲生日 古天樂遭「老婆」踩場贈興

古天樂、宣萱及姜皓文（黑仔）等前晚出席新片《犯罪現場》首映禮，傳聞剛簽約古仔公司的黃浩然，以及余香凝、薛凱琪等亦現身支持。本月生日的古仔及黑仔獲大會安排蛋糕賀壽，更有自稱「古仔老婆」的瘋狂女粉絲踩場，不過古仔淡定無反應。

日前剛度過49歲生日的古天樂，與後日生日的姜皓文，獲一眾演員在台上賀壽。不過期間發生小插曲，一名內地女子在場外不停向古仔揮手，又大聲自稱「古天樂老婆」搶鏡，及後遭保安攔阻。而見慣大場面的古仔處變不驚，不作任何反應。

提到生日願望，古仔笑言每年都希望身體健康︰「有健康身體先做到任何嘢，正日同屋企人慶祝，都有同朋友食飯。」他表示擔心交通問題，所以今年取消跟粉絲生日聚會。至於好友宣萱，已經一早送贈生日禮物給古仔︰「好啱佢，我一定記得每個朋友生日，因為我會寫落記事簿，每次睇到記號就即刻傳信息畀朋友祝賀，朋友就會好開心。」

姜皓文結婚20周年

古仔聞言表示十分喜歡宣萱所贈的禮物，又笑言同樣記得對方的生日，但宣萱即踢爆說︰「但係遲咗一日囉！會記一世。」二人希望再合作，古仔指宣萱想演反派，宣萱則表示曾看過美劇有個自閉症醫生的角色，自己也很希望嘗試。

同場的黑仔快將踏入53歲，他笑言太太殷寧今天生日，明日則是二人結婚20周年紀念，三個日子一齊慶祝。他笑說︰「我叫咗太太自己揀禮物，反正我所有錢都係交畀佢，最後佢買咗首飾。本來每年都同太太去旅行，不過今年要開工。」

採訪︰Pauline

編輯︰李潔盈

美術︰梁政敏

攝影︰林良明