Jessica＠SG正式簽紙做人妻

女團Super Girls成員蔡明思（Jessica）前日在大會堂，與圈外男友Steven正式註冊結婚，並於下月27日在台灣擺酒。一對新人只邀請雙方家人見證簽紙儀式，Jessica說：「註冊嗰日原本無諗住請任何人觀禮，因為婚禮喺台灣舉行，打算到時先請親朋戚友。不過我哋同家人講呢件事，雙方家人都分別喺台灣同內地過嚟觀禮。」

Jessica表示簽紙過程很開心，事前也毫不緊張：「不過簽完紙，發覺自己身份唔同咗，反而開始覺得有少少唔習慣，唔慣已經做咗人妻。」她又笑指老公古靈精怪，簽紙前還開玩笑說「畀我考慮下先」。