首張個人專輯面世 On仔曬腹肌派福利

組合C AllStar成員陳健安（On仔）推出首張個人專輯《本原》，為隆重其事，On仔特別在個多月前狂操身形，務求在拍攝封面時展示結實腹肌。

陳健安首張個人專輯共收錄六首歌，其中五首由他包辦作曲，盡展才華。今次On仔找來一位台灣女攝影師為其唱片封面操刀，拍攝期間On仔大擺瑜伽甫士外，攝影師亦將一些自然生物，用投影機投射到On仔身上，極具視覺效果。不過最衝擊粉絲眼球的，當然是On仔苦練而成的一身肌肉，對此On仔怕醜地說︰「我同攝影師第一次見面，認識唔夠兩個鐘就要喺佢面前除衫，感覺真係比較特別。攝影師之後話『你身材挺好的』，證明我嘅努力無白費。」

On仔昨日亦到商台宣傳新碟，他透露大碟名字的希臘解釋是開始，另一個解釋則是本質，是他看到一本哲學書時記下的。他笑言︰「平時大家都只係見到搞笑嘅On仔，希望透過新碟可以了解一下正經嘅我。」

撰文︰倪小珊

編輯︰李潔盈

美術︰梁政敏