北角海景料理 吸睛火焰龍蝦鍋

打邊爐，不一定是「麻甩」，其實也可以很chill！這間新開火鍋店就是代表，餐廳坐擁無敵大海景，食客可以邊欣賞海景邊嘗美食，而且更設露天平台，打完邊爐可以跟朋友出外飲酒談天，環境一定比酒吧舒適開揚。

食物方面行高質路綫，有每日本地新鮮手切靚牛和肉味濃重的安格斯牛，連刁鑽位牛胸爽、牛爪邊也有，丸類亦是自家手打，例如法國鵝肝鮮牛丸、芝士鮮蝦丸等，口感爽彈，配搭新鮮。

火鍋湯底亦夠特色，招牌火焰龍蝦鍋名副其實是會on fire，師傅先將二鍋頭酒加入花龍蝦和大蜆之中，再點火燒香，最後加入用50隻波士頓龍蝦熬煮而成的濃湯，湯底質感濃稠，富有龍蝦味，仔細品嘗更可嘗到酒香，配合烏冬響鈴很索味。

足料滋補湯底

想清淡點？可以試花膠雞湯，老火湯湯底使用豬骨和雞殼熬煮，味道香甜，再加上原隻花膠筒、魚唇、素翅、金華火腿作配料，令湯底更濃更滋補。

餐廳稱得上是中日火鍋店，全因店內提供刺身，夠多元化。魚生用料新鮮，款式有8至10款，相當厚切，雖然價錢不便宜，但質素比得上日式餐廳，吃得過。

天藍中日火鍋料理

地址︰北角北角邨里1號北角匯3樓301號舖

電話︰2297 3338

營業時間︰11:30am-3:30pm，5:30pm-11pm

平均消費︰$450

編輯︰余運慶

美術︰陳超雄