相隔一年多再出新劇 田蕊妮唔敢諗收視

田蕊妮（阿田）昨日以性感運動look，宣傳主演的新劇《她她她的少女時代》。已一年多沒有出新劇的阿田，坦言對收視及力爭視后等問題，都不會想太多，只希望觀眾喜歡她的演出。

田蕊妮昨日與曹永廉、余思霆及李思捷等宣傳新劇，眾人穿上運動服玩遊戲。阿田露出小蠻腰，身材fit爆，原來她為下月舉行的演唱會積極操弗。她說︰「近排操得好密，不過無上磅，數字唔可信，我信塊鏡。」她自言仍未滿意身材，可有信心練成六塊腹肌？她笑說︰「盡量去做，目前主要食健康餐，少油少鹽，女仔難練啲，希望可以再乾身啲，凸顯身形綫條。」

原來阿田上一部劇，已是前年尾播放的《誇世代》，相隔一年多再出新劇，她直言很難預測收視︰「不過幕後同事睇咗套劇都讚好睇，反應好正面。」可有信心今年底再爭視后？她說︰「我唔會諗獎項，個人收穫唔係大前提，最緊要套劇好睇，娛樂到觀眾。」

曹永廉自認小男人

同場的余思霆亦性感現身，穿上運動bra top的她起初不肯除外套，她笑言並非男友朱敏瀚不批准︰「等我留番做女主角時先性感。」提到她身形十分纖瘦，她解釋最近趕拍《愛美麗狂想曲》，開多晚通宵加上睡眠不足，因而瘦了七、八磅。

至於曹永廉在劇中飾演一名小男人，他笑言難度不高，皆因他現實中跟太太姜依蘭相處都是這樣︰「我係公道嘅人，雖然未必好浪漫，但老公要做嘅都會做足，兩公婆相處最緊要忍耐，加上佢爸爸係John哥（姜大衞），都唔敢做啲乜，呢個係最大原因，哈哈！」不過他笑言經濟大權在自己手上，但也會留一筆錢給太太投資，以及供小朋友讀書。

採訪︰Pauline

編輯︰李潔盈

美術︰梁政敏