父母唔敢問戀情 唐詩詠結婚先帶男友見家長

唐詩詠昨日出席慈善活動，早前她被指與「教育界王力宏」陳思銘發展至同居階段，詩詠強調彼此只是朋友，更揚言將來如果要結婚，才會帶未婚夫回家見父母。

唐詩詠昨天以「仁濟關愛大使」身份，到大圍出席獨居及隱蔽長者探訪活動，大派愛心福袋。詩詠表示試過到老人院探訪時，為長者獻唱粵曲︰「其實我唔太識唱粵曲，不過知道長者喜歡聽，雖然我唱得難聽，但都想令佢哋開心下。老人家見到我，好似見到孫女咁，會叫我食多啲嘢。」她笑言長者們不會問她感情事，但會給予意見，教她如何揀男仔，拍拖時也少點拗撬，多點包容。

問到家人對詩詠的感情事可有意見？她笑說︰「家人從來都唔敢講，爸爸好少出聲，係哥哥話我知爸爸好擔心，但唔敢講。我自己都好少講，怕佢擔心。」問她拍拖後會否帶男友見家長？她說︰「要結婚先會帶，因為唔想屋企人開心完後，又變得唔開心。」

自覺唔適合馬明

提到早前被拍到與「教育界王力宏」陳思銘一同行超市買餸，詩詠否認說︰「講咗好多次，張相係冬天影。我同佢（陳思銘）真係朋友，當日係有聚會，希望大家畀啲時間同空間我哋。如果一喺我身邊就話係我男友，做我朋友會好大壓力。」有指二人已發展至同居試婚，她無奈說︰「被人影到去超市買餸就話整燭光晚餐，但我都唔識煮嘢食。」

至於另一緋聞對象馬國明，詩詠說︰「啲人成日問我點解唔約馬明去街，佢哋唔好咁投入套劇啦。（馬明可有機會？）可能我唔啱佢。（相識太久沒感覺？）我無諗過呀。」

撰文︰Pauline

編輯︰李潔盈

美術︰梁政敏