拍《打工III》睇慣外國豐滿靚女 袁偉豪叫女友增肥

袁偉豪（Ben）與楊明兩個好兄弟，早前遠赴南美洲哥倫比亞拍攝《打工捱世界III》。兩人昨日出席記招，自爆在當地四處揀美女參加選美，可以奉旨睇靚女，但Ben笑言已將此重任交給楊明。

袁偉豪、楊明在哥倫比亞體驗獨一無二的工作，包括︰黑洞礦工、選美顧問、足球評述員及亞馬遜森林打雜等。他們提到走進漆黑的礦洞採綠寶石，在礦洞內空氣稀薄，相當辛苦。雖然只賺得數十港元，但為工友們煮一頓餐蛋即食麵做午餐，卻帶來溫暖的友情，之後把礦石在首都波哥大兜售時，更有意外驚喜。

楊明接連食檸檬

今次已是他們第三次合作拍《打工捱世界》，笑言如果拍到50、60歲都無問題。問到今次是否不敢望靚女？楊明稱︰「反而係落晒order畀我『𥄫』，監製要我四出搵當地少女參加選美，食過幾次檸檬，但我抱着唔放棄心態，加上厚面皮力sell，出盡美色，又同佢哋交換IG。」而Ben就強調搵靚女的重任交給楊明，他只在旁觀看，並大讚楊明相當跳脫和幽默。

此外，Ben坦言在當地逗留了18日，看慣了當地女性擁有健碩身材，返港後不習慣，他笑言︰「已叫女友（張寶兒）食多啲，同埋做運動。其實在當地日日食牛油果同飯量都多咗，返到嚟覺得大隻咗，當地女士身形都豐滿啲。」

採訪︰Pauline

編輯：陳禮恒

美術：梁政敏