演唱會上自稱有個女 全場譁然 側田：Daddy對你唔住

側田前晚在紅館舉行演唱會尾場，演唱會至中途，他突然自爆已榮升「Daddy」，又聲稱對不起「女兒」，沒有陪她長大，此言一出，全場譁然；不少網民對側田秘密當爸表示驚訝，有花生友則笑問側田女兒是否頭髮濃密，十分抵死。

現年42歲的側田，雖然生得細細粒又少頭髮，但唱得又作得的他才華洋溢，故異性緣超旺，多年來身邊女伴如走馬燈。近年側田與圈外的長髮女友拍拖多年，感情穩定，但估不到側田前晚竟自爆已成人父，令在場粉絲震驚不已。

在紅館舉行一連兩場《側田My Beautiful Curse演唱會2019》的側田，尾場當唱到歌曲《幸福止痛》時，被問到最後一刻想打電話給誰？他拿起電話說：「阿女，Daddy對你唔住，無陪你長大、保護你，但我一世最愛係你。」

改口風話劇情需要

演唱會結束後，側田被追問何時誕女及女兒可有現身捧場？他說︰「佢有嚟睇，不過好少帶佢出街，低調啲好，我準備好就會公開講。」不過，之後他又自顧解畫，直指台上一番話只是「劇情」，他說︰「我好認真咁諗呢段深情嘢，但講咗出嚟啲觀眾笑，都有畀佢哋窒咗少少。」答得故弄玄虛。消息傳出後，不少網民都表示被側田做了爸爸的言論嚇了一跳，揚言若屬實的話，會送上祝福，不過亦有網民半信半疑，認為有圖有真相，要求側田發布囡囡的相片，以正視聽。

而側田完成香港站演唱會後，稍後會到廣州、中山及悉尼舉行巡唱，他更希望可以將演唱會帶到世界各地不同地方演出，屆時豈不是更加沒有時間陪伴「女兒」？

撰文︰Pat、Pauline

協力︰Vivian

編輯︰黃寶恩

美術︰Simon