皇玥全新流心月餅 歎薑汁白蓮蓉貓山王榴槤

黛安舊年試過皇玥出品嘅奶黃月餅，一試愛上！聽公關姊妹講，今年除咗奶黃月餅始創人葉永華師傅之外，葉師傅嘅唯一傳人、米芝蓮二星名廚黎永冠師傅亦都加入咗皇玥，研發出幾款全新月餅，為大家帶來驚喜！

今年除咗流心奶黃月餅、流心芝麻月餅，仲新加入流心薑汁白蓮蓉月餅同流心貓山王榴槤月餅，黛安就好想試流心薑汁白蓮蓉月餅啦。公關姊妹就話，係選用咗優質新鮮生薑，磨成薑汁後加入幼滑白蓮蓉中，濃郁薑味同蓮蓉清香相輔相成，口感層次更加豐富。

皇玥月餅依家已經可以開始預訂啦，即日起至下個月15號都有優惠，好似流心薑汁白蓮蓉月餅同流心貓山王榴槤月餅，8件裝由原價378元減至260元，非常抵買！