基仔 胡定欣 14年後做亂世情侶

古巨基早前推出新碟《維多利亞Victoria One》，新歌《亂世情侶》MV前日曝光。女主角胡定欣在14年前拍過《愛與誠》MV，今次與基仔再續前緣，兩人都形容感覺特別，還帶來很多難忘回憶。

《亂世情侶》由林夕填詞，歌詞反映香港的現實社會，情侶們要節衣縮食、日忙夜忙，就連少少濃情蜜意都好易被消磨。但就算當初情意被現實擠壓，也要做一對仍然相信愛情沒有輓歌的「亂世情侶」。

古巨基與胡定欣曾合演《愛與誠》MV，講起往事，兩人都互笠高帽，大讚對方完全無變過，基仔對定欣說︰「感覺好特別，眨下眼就過咗咁多年，今次合作令不少歌迷的回憶返晒嚟！」

兩人互笠高帽

基仔除了演和唱，更親自執導《亂世情侶》MV，每當拍完一個鏡頭，基仔都會走去睇playback。定欣說︰「基仔解說MV故事好詳盡，喺車上聽佢講解時，已經好有畫面、好感動。」基仔亦不忘大讚定欣演技一流，「佢一直努力拍劇甚至兩奪視后，絕對係好戲之人！今次有好多場戲定欣都係一take過，而且有幾個位我都睇到眼紅紅。」

此外，定欣笑言今次是「出山」之作，她解釋：「去年五月做完舞台劇之後，就無做過戲喇！所以今日係我第一日返工，係時候pick up番。」

撰文︰Pauline

編輯：陳禮恒

美術：梁政敏