演舞台劇狂嗌兩個鐘 惠英紅靠針灸養聲

惠英紅前晚出席迷你劇《心冤》首映禮，最近忙演出舞台劇的她，因劇中有連場吵架戲，她每晚演出時要嗌足兩小時，令她聲綫受損，要靠針炙治療，才能繼續演出。

惠英紅前晚聯同《心冤》導演葉念琛、演員周國賢、小肥、黃心美及張同祖等，到旺角出席首映禮。惠英紅接受訪問時，聲綫比平日低沉，正忙於演出舞台劇《玻璃動物園》的她說：「我把聲低咗一度，呢幾日要去針灸，我估聲帶無受損，只係聲帶肌肉好累。」還要演出五場舞台劇的她，解釋因劇中有多場嗌交戲，自己嗌到聲沙：「我喺個劇好多對白，講足兩個鐘，我個角色好大癲大肺，加上我唔識收，所以影響咗把聲。」但她自言不敢亂飲滋補湯水，惟有噴消炎噴霧，以及盡量食得清淡。

改對白增新鮮感

問到日後會否不敢再演舞台劇？惠英紅笑說：「咁又唔會，不過演舞台劇需要好長時間，由籌備綵排到公演，前後要花兩個幾月。所以每晚演出，我都會喺對白加插少少嘢，等自己有啲新鮮感。不過我唔會害人，唔會改到令對手接唔到，我只會玩自己嗰part。」

完成舞台劇後，她便要為新片《感動她77次》開工，直至農曆年才放假。提到日前除夕夜如何慶祝？她笑言演完舞台劇便回家玩煮飯仔，是否有男士陪伴？她笑說：「有就好啦，我自己同自己玩。」

撰文︰Pauline

編輯：李潔盈

美術：顏玉玲