洪永城未有結婚衝動

洪永城（Tony）及何超蓮昨日出席護膚品活動，二人提及早前在冰島拍攝時的趣事，Tony指險被超蓮以冰鑿毀容！蜜運中的Tony談到計劃與女友享受首個外遊假期，至於人生大事就暫時未有計劃。

Tony首次與超蓮合作，他大讚對方敢於冒險，風雨飄搖仍外出拍片及影相，甚有做旅遊節目主持的潛質。

問到女友梁諾妍可會要求他陪遊冰島？Tony冧爆說︰「佢有問過我，我就話將來仲有好多地方一齊去，（首個情人節去旅行？）我哋未試過一起旅行，希望二月有空檔啦！」Tony直認女友已融入朋友圈，故早前偕她與黃翠如及蕭正楠一齊迎接除夕倒數，笑指任健身教練的女友可幫翠如Keep Fit、幫阿蕭Keep豬腩肉。不過，Tony坦言未有受「翠蕭」感染閃婚，只會按自己步伐計劃人生大事，與女友暫時未有傾過結婚大事，亦無意閃婚。

超蓮情人節拒約會

提到在冰島期間，超蓮的一輯水着照引來網民狂讚，問超蓮新一年願望可是搵個男友？她笑言︰「唔會，緣份到就會嚟，情人節仲忙，因為個會（義工組織）喺2月14日係創會日，好緊要！」超蓮身邊沒有追求者？她坦言可能有，但本身在這方面敏感度很低，就算有都不會知道。

採訪︰Pauline

攝影︰林良明

編輯︰黃卉彤

美術︰梁政敏