《起底組》激心姊妹花 Stephy唔敢推撞Grace

鄧麗欣（Stephy）和陳凱琳（Grace）在電影《起底組》中飾演兩姊妹，兩人在片中有多場歇斯底里爭執和推撞場面。本身並非有肉地的Stephy，遇上身形更單薄的Grace，也不敢胡亂動手，怕一不小心把對方推散！

Stephy和Grace在《起底組》中雖然相依為命，但偏偏個性兩極，Stephy扮演的姐姐是正義警察，Grace扮演的妹妹是任性拜金女，當中有很多衝突。Stephy指過往拍攝很多愛情戲，今次在查案和追逐戲之餘，和Grace的姊妹情也是重點，所以她們主動要求導演加一場在天橋上的嗌交戲。Stephy笑言︰「我盡可能都企喺佢身後，爭執時會推佢，無諗到佢會彈到兩呎遠，好怕佢會骨折。」Grace笑說拍攝時加墊，因為少不免互相推撞。她們形容戲中的姊妹愛恨交纏，但永遠不會嬲對方。

Stephy亦難忘Grace第一場戲就在鏡頭前爆粗，埋位前她更是全不知情，Stephy說︰「我真係嚇親，導演一叫停，我即刻問佢剛剛係咪講粗口，原來導演同佢夾好，刻意唔話畀我知，畀我一個下馬威！」Grace笑稱今次是應導演要求爆粗，她事先更認真地問要講「幾多隻字」，最終知道只是一隻字，加上電影尺度較寬鬆，就豁出去了。

對高登仔印象改觀

談到電影以四年前灣仔解款車跌錢事件為參考藍本，飾演警察的Stephy與「高登仔」游學修等人同時以不同方法查案，最後「高登起底組」找到的綫索比警方還要快。Stephy說︰「導演薛可正本身都係一名高登仔。我都好怕網上討論文化，特別係初入行，好多抨擊和難聽嘅說話，惟有唔好睇咁多，做好自己本份，睇太多負評一定會影響心情。」Stephy後來慢慢發掘到網民的厲害，每當有事發生，他們「起底」的速度快過新聞報紙，也體現出團體精神，她笑言︰「『高登仔』都有叻仔，唔一定只係宅男！」

採訪︰Pauline

攝影︰林良明

編輯：黃卉彤

美術：梁政敏