入紙兩次終成功 安仔宣布明年開紅館騷

許志安（安仔）、周秀娜、王君馨等前晚出席雜誌頒獎禮，已經三年沒開個唱的安仔，前晚開心透露終於成功申請明年紅館檔期，令歌迷開心又期待。

許志安前晚穿上橙色西裝襯虎紋恤衫sharp醒現身，問他是否寓意如張智霖般家有虎妻？安仔尷尬笑說：「呢個問題好有問題……咁大個人，邊使人管㗎！」安仔更即席宣布，已成功申請明年下半年的紅館檔期：「入紙兩次終於成功，上次喺紅館開已經係2015年，到明年再開，其實都已經相隔四年喇！」

問安仔可會為個唱操肌？他笑說：「暫時未考慮，就算操都係想自己fit啲，因為有時都有廣告同其他工作，唔想淨係因為開演唱會而操。」至於會否邀請太太鄭秀文或Big Four兄弟做個唱嘉賓？他笑言目前時間尚早，仍未構思個唱內容。

周秀娜腳痛照着高踭鞋

同場的王君馨穿上中空裝曬豐滿上圍，搶盡風頭；相反周秀娜密實示人，但穿高踭鞋的她行路一拐一拐。娜姐表示早前拍動作片要穿高踭鞋不停跑，加上天生有高弓足問題，令腳痛惡化：「我有少少拇趾外翻，近日電影宣傳都係着波鞋多。」她稍後會放假休息，希望去旅行，會否相約異性同行？她說：「隨緣啦，有人約無任歡迎，但未遇到合眼緣啫！好少人好似阿聰（張繼聰）咁唔話得，出席謝票活動，做埋司儀同保安，大隻又夠幽默。（鍾意呢類男人？）傾到偈又幾開心，所以覺得Kay（謝安琪）好幸福。」

採訪︰Pauline

編輯：李潔盈

美術：梁政敏