旺角上樓食 老香港大牌檔

以老香港為主題的餐廳近年大流行，最近在旺角又有一間向Good Old Days致敬的上樓舖--復古裝潢足以讓大家盡情影相打卡，懷舊大菜、港式掃街小食更是兼而有之。

餐廳佔地4,000呎，懷舊元素發揮得淋漓盡致，像入口處是老冰室常見、貼着「冷氣開放」的玻璃門，左右兩旁卻是舊時在酒樓飲宴常見的金色龍鳳雕像，有趣！

裏面也有不少復古場景，像上海理髮舖的店面、已拉上懷舊綠色通花鐵閘的「四眼仔車仔麵」與「麗姐港產雞鴨鵝」，店主還特地找來老師傅打造舊時的鐵窗花，並掛上「旺角樓上街市熟食中心」的招牌，還可找到霓虹燈牌、通渠廣告、痰罐等懷舊元素錯落於不同角落，打卡位超多！

懷舊工夫菜

食物則像集合了大牌檔、懷舊茶樓、港式小食店與茶記之大成，既有懷舊菜，也有以傳統菜式為基礎加以改良的，像屋邨三鮮，原來是豬生腸、鴨腎與墨魚3款街頭小食，餐廳其中一位廚師曾於區內有名的滷味小店「肥姐」工作，味道自然有保證；而另一樣同是港人掃街至愛的臭豆腐，就造成迷你版本，一啖一粒剛好。

至於懷舊菜如花工夫的杏汁燉豬肺、雞蛋焗魚腸、豉油皇鵝腸等都吃得到，而且堅持用新鮮貨，足料又有水準，海鮮類如黃金蝦、鹽焗魚、蒸海斑等更自店內「魚檔」即撈即煮，夠晒新鮮。

女人街食飯公司

地址︰旺角通菜街1A-1L威達商業大廈1字樓B舖

電話︰2685 1618

營業時間︰11am-4:30pm、6pm-11pm

平均消費︰$60（午市）、$200（晚市）

編輯︰魏雋

美術︰招潤洪