拍戲賺奶粉錢 謝天華宣布太太陀B女

由錢嘉樂自導自演、曾志偉監製、鄭伊健、陳小春、謝天華和林曉峰（阿Lo）主演的電影《黃金兄弟》，前晚在沙田舉行首映禮，早前天華自爆將再做爸爸，前晚他宣布太太Tina今胎陀小公主，和三歲大仔湊成「好」字。

前晚天華被伊健等兄弟取笑片酬收得最高，他笑着解釋因自己對白少，逐句計才覺得貴。問他的片酬是否用來做奶粉錢？他在兄弟起哄下笑說：「可以講得，係喜上加喜，太太陀緊第二胎，係粉紅色（女），湊夠好字，開心嘅。」

問到《黃金兄弟》會否拍續集？錢嘉樂坦言有想過：「好難得幾兄弟拍足11個月，好享受，真係有今生無來世。」前晚大批嘉賓捧場，包活洪金寶、吳鎮宇、李若彤等，鎮宇被大家拉上台合照，他笑說：「我哋（《逆流大叔》）落畫都係為咗避你哋。」

志偉認橫店開酒店

同場的曾志偉，提到被陳百祥（阿叻）踢爆是「橫店富豪」，在當地投資的酒店及地皮市值30億元，志偉笑說：「咪好似平時阿叻啲貼士咁，係唔可信！如果我有仲使做咩，我都係打份工。」他承認在橫店投資酒店，但強調只佔少許股份：「方便自己同朋友返去拍戲住啫。」

採訪︰Pauline

編輯：李潔盈

美術：梁政敏