傳《逆流大叔》原班人馬再合作 吳鎮宇︰開得成再算！

《逆流大叔》票房大收，令到有份參與的演員包括吳鎮宇、胡定欣、胡子彤、黃德斌等士氣大增，更曾多次走訪多間戲院謝票。近日更傳出原班人馬開拍新題材的電影，不過鎮宇似乎全不知情！

吳鎮宇昨日接受由陳海琪和陶傑主持的ViuTV節目《大星講》訪談，鎮宇為電影《逆流大叔》跑了多個宣傳活動，相當落力，他對於憑該片吸納一批觀眾感到開心，不過鎮宇說︰「票房比上不足比下有餘，其他工作有先再算，獲得嘅咪呢啲訪問工作囉！」

有傳原班人馬再開另一題材電影，鎮宇直認未有聽聞，更潑冷水︰「開得成再算啦！我都有同導演反映過，我哋嘅故事唔可以延續，要拍第二個題材。有啲人幾唔收得都厚顏無恥開續集。趁我哋有啲觀眾緣，可以做下其他嘢。」

訓練囝囝培養質素

剛過去的暑假，鎮宇放下工作陪囝囝度過，「同阿仔一齊學音樂，陪住佢無咁怕醜，阿媽就帶佢學空手道，本來一對一，後來上團體班，我希望阿仔可以down to earth去學習對打。」他笑言每次阿仔學完空手道就可以食雪糕，可能他只是為了雪糕才肯學，不過最重要是運動精神，令人改善質素。

撰文︰Pauline

編輯：黃卉彤

美術：顏玉玲