鍾鎮濤開騷 預咗唱到超時

鍾鎮濤相隔十年再開騷，將於11月24、25日在紅館舉行《鍾鎮濤故事繼續演唱會》，B哥哥會用歌曲分享自己故事。記招上，他首次獻唱歌曲《故事繼續》2018年改編版，他說︰「記得有年喺偉仔（梁朝偉）屋企開元旦party，我有少少唔開心，於是拉咗個朋友出去露台寫咗呢首歌，雖然正值低潮，但係我副偈仍然好勁，首歌都係咁樣寫成。」

他表示個唱獲不少老友捧場，故此分飛重任交由主辦單位負責，又透露屆時會唱偉仔的《你是如此難以忘記》與張國榮的《由零開始》。會否邀偉仔上台唱歌？他說︰「有邀請佢嚟睇，但係上台可能會好大壓力。」至於溫拿一定上台玩，B哥哥還擔心他們不肯落台，「譚詠麟係老闆之一，佢肯畀錢，我就唱到12點都唔走。」除了愛女鍾懿同鍾幗，大仔大女亦會返港捧場。他預計十月將會閉關狂操，相信體力可以應付多幾場演出。