江嘉敏聞余德丞唔戒口 有微言

江嘉敏（Kaman）昨日到中環出席「漆黑起動」活動，即場踩室內單車，但問到何以不肯除外套？她笑言︰「我驚嚇親人呀，除咗衫全場人會走晒。我第一次玩呢種運動，平時都會同妹妹去公園打羽毛球同踩單車，依家多數喺屋企做sit up。」

Kaman希望減掉手臂「拜拜肉」，腹肌練得結實一點，又想嘗試演打女，而現時正同一時間拍攝劇集《過街英雄》和《殺手》，有時會混淆兩個角色。提到前緋聞男友余德丞日前去食牛腩，精神相當不錯，Kaman卻認為他沒有聽勸告食得清淡，似有微言︰「咁重味嘅唔好啦，乖乖哋啦！」

她又稱，《危城》一眾演員在群組裏都關注余德丞的狀況，他亦有報平安，Kaman謂︰「佢喺劇入面要摺紙鶴，點知現實係收番大家送嘅，個個都有份摺，就連松松姐姐（陳松伶）唔喺香港都摺，好有心。」

攝影︰林良明