新歌頌媽媽偉大 田蕊妮憶亡母眼濕濕

田蕊妮（阿田）的媽媽兩年前去世，當時阿田悲痛欲絕，最近她重返錄音室，為個人大碟錄歌，其中一首新歌紀念媽媽偉大，她看過歌詞已經爆喊，所以至今仍未錄完，她表示現已收拾心情，希望能順利完成錄音。

田蕊妮（阿田）到商台宣傳新歌《兩口子》，計劃於年底推出Hi-Fi碟的她，透露目前正趕緊錄製新歌，更表示要衝破心理關口︰「因為首歌係以女兒身份講媽媽，令我諗起我同媽媽，我喺媽媽最後嗰幾年貼身照顧，關係好親密，雖然自己未做媽媽，但令我明白到做媽媽有幾大愛、偉大、無私。」她自言錄音時太投入，未能控制情緒，所以一直未錄好︰「總會有一日錄完，希望下次可以一Take過。其實首歌係開心歌，只係上次喊到聲都爛！」

阿田除了為新碟錄音，她透露正籌備全新綜藝節目，暫名《女人40》︰「節目會有10集，係講女性到40歲面對嘅問題，以半真人騷形式拍攝。自己做主持，會邀請嘉賓，同埋有素人參加，已經開始構思題目，希望做好啲。」

赴泰國慶祝生日

將於本月28日41歲生日的阿田，已計劃與老公杜汶澤及朋友到泰國四日三夜慶祝，何不享受二人世界？阿田解釋︰「阿澤都係咁講，但既然去就成班人去會開心啲，同啲朋友都講咗幾年一齊去玩，今年終於成事。」

採訪、編輯︰李潔盈

美術︰顏玉玲

攝影︰Pauline