成日要行勻幾間超市格價係咪好煩呢？今次就為大家推介一個實用嘅免費手機App－「慳D啦-香港超市格價平台」，呢個App會每日搜羅各大商店嘅貨品價格，比較超過1萬件貨品，提供「最新價格」同「優惠情報」，搵出邊間舖頭、邊個牌子嘅貨品最抵買嘅，幫你慳錢、慳時間、慳腳骨力！
「慳D啦」主要為用戶提供日用品嘅格價情報，包括清潔用品、飲品、零食、急凍食品等包羅萬有，提供各間超市當日最新價格，「每日精選」同「特價貨品」亦會提供優惠情報，邊啲貨品做緊優惠一目了然，咁就唔會錯過啦！同時亦可以睇到過去3月的貨品價格走勢圖，等你知道最近有冇減價。
另外，大家亦可以將心水貨品加入「追蹤清單」，當價格有變動個App就會即時通知你，然後喺屋企預先將心水貨品放入「餸籃」，出街就唔會買漏嘢啦。
不過大家亦要注意，由於各地區分店嘅貨品價格可能會有差異，App提供嘅資料可能會有偏差，所以記得睇清楚價錢先買。而且由於該App推出不久，部分超市集團資料暫時未有，希望遲啲佢地會有改進，等大家可以再慳多啲啦！