獎勵老婆煮餸叻 周柏豪︰層樓寫佢名

周柏豪與老婆Stephanie拍拖八年，前年低調結婚，婚後二人恩愛如昔，柏豪被封為圈中數一數二的愛妻號，早前他買千萬豪宅贈予老婆，最近又公開盛讚老婆廚藝一流。

周柏豪昨日到尖沙咀出席品牌活動，由於早前忙於拍劇集《多功能老婆》，幾乎絕迹香港的公開活動，而為準備演唱會，上星期更暫停拍劇，計劃用一個禮拜時間來整理自己。不過七日當中就有六天要工作，他說︰「要還廣告債，做咗代言人要履行責任，聽日就去東莞準備演唱會！」

為演唱會食得清淡

談到準備狀態，他表示今次戒口很成功，以前總會有一兩日偷食炸雞，他說︰「唔知係咪人大咗，依家同老婆食得好清淡，真係鹹魚白菜也好好味，有時食沙律都好開心。」問到老婆廚藝如何？他大讚相當好，相信是遺傳了外母的優良血統，他說︰「我外母煮飯好好食，係餐廳嘅質素，但係完全無落味精，我直情同佢講不如我開間私房菜畀你，不過都係驚佢哋辛苦！」

那他自己的廚藝又如何？他笑說︰「梗係唔得啦！細細個以為自己可以做廚師，因為有煮過午餐肉、煎雞蛋、煮麵畀阿哥食，已經覺得自己好叻。」他表示老婆最近學整慢煮豉油雞，更形容「出面食唔到」的滋味，問他怎樣答謝老婆，他笑笑口謂︰「將層樓寫老婆個名囉！」

撰文︰Pauline

編輯︰黃卉彤

美術︰顏玉玲