陸詩韻主動獻吻 坤哥驚青合埋眼

吳業坤（坤哥）當年在頒獎禮唱歌時喊到「眼鏡起霧」，成為他的標記，昨日他不但獲邀為眼鏡店任開幕嘉賓，更獲同場的陸詩韻主動作狀錫錫，令他怕醜得閉目唔敢望。

坤哥和陸詩韻昨日到銅鑼灣出席眼鏡店開幕禮，談到坤哥近來已甚少「眼鏡起霧」，他立刻用手指作狀自插雙眼，原來他昨日只戴上沒有鏡片的眼鏡框：「我本身600幾度近視、500幾度散光，依家睇嘢都好朦朧。不過我依家冷靜好多，拍劇會換咗眼鏡，最近都習慣戴無鏡片嘅眼鏡練習眼神。」他笑言當年「眼鏡起霧」成為話題，想不到昨日終於首次出席眼鏡活動，令他感覺得到認同，但他表示無意創立自家眼鏡品牌。

另外，坤哥提到日前在電台工作時巧遇天后陳慧琳，對方更主動打招呼，令他受寵若驚：「估唔到Kelly主動打招呼，多謝前輩咁包容我，下次我見到前輩，都要學識主動打招呼。」

自認帶眼識人

同場的陸詩韻，獲司儀寄語她「帶眼識人」，似意指她過往在感情路上受挫，她笑說：「不嬲都有（帶眼識人），我成日都有新朋友。」提到好友李美慧嫁富商曾文豪，陸詩韻昨日出席活動前，先為好友擔任姊姊團，期間更重遇舊愛曾文能，她大方說：「見到佢，佢有份做兄弟。」她又大讚新郎曾文豪風趣幽默，對方接新娘時，更開心「品嘗」搽了花生醬的尿片。問新郎哥是否豪擲二億開門利市？她笑說：「未數，可能係印尼盾呢？因為我趕住開工，新娘連花球都未掟我就早走。」

採訪、攝影︰Pauline

編輯：李潔盈

美術：梁政敏