荃灣足料丼店 300g燒牛爆彈

近年大熱的丼飯店，可謂遍布全港各區，不過，筆者覺得還是銅鑼灣、尖沙咀兩區的夠正宗，感覺吸引一點。這兩區一碗丼飯平均索價過百元，有些海鮮丼更接近$300，雖然好食，但同時又好「肉赤」呢！最近發現遠在荃灣區，竟然可以平一大截的價錢，吃到正宗味美的丼飯。

新店是荃灣區內好評人氣浜燒水產店福丸的姊妹店，開業短短一個月左右，午市、晚市都爆滿。原因是這裏的丼飯確實太抵食。大大碗有大約300g牛肉的牛丼才$88、有8塊叉燒的叉燒丼$68、有整條140g鰻魚的鰻丼只需$98，超大碗的海鮮丼賣價不過$200，數數手指，平足市區的丼飯店近2、3成，當然日日爆啦！

20年經驗總廚主理

舖頭由20年和洋食經驗的總廚主理，雖然價位親民，但用料不俗，牛丼用美國牛肉、築地直送的吞拿魚、東京產赤蝦、北海道松葉蟹、加拿大海膽，飯用珍珠米，以價位來說，食材用料算是超班。

煮法比連鎖丼店做得仔細，全店醬汁都是廚師自家製的，肉類即叫即製，當中叉燒、牛肉、鰻魚都是網燒的、雞件即叫即炸，除了刺生丼，這裏還有天婦羅丼、咖喱飯及小量小食。

大丼屋

地址︰荃灣川龍街118號百悅坊2樓201-202號舖

電話︰2156 2919

編輯︰余運慶

美術︰李明