郭羨妮等老公返港追B

陳倩揚昨日陀住第三胎出席有線電視活動，令同場的郭羨妮（Sonija）羨慕不已。倩揚也大方分享懷孕心得，Sonija希望盡快為女兒Kylie添個弟妹。

郭羨妮昨日見到倩揚即興奮地摸她的肚皮，倩揚笑謂摸過肚皮好快就有BB，已育有一女的Sonija笑言順其自然好了。「老公都唔喺香港，今年都應該唔會成事，佢最快都要七、八月先返。」Sonija坦言很想幫女兒搵個伴，倩揚就教她調理身體，Sonija搞笑謂︰「最緊要個男人喺度，唔係生隻蛋出嚟咩？」倩揚亦公布今胎陀B女，問她三個夠晒數未？她說︰「never say never，如果有咁多愛可以分出嚟，又有時間心力，亦係上天安排嘅禮物。」

另外，問到唐文龍近日傳與無綫小花黃文意拍拖，卻因女方借他人氣上位，結果兩人閃電分手。文龍再次強調雙方只是朋友。「大家都忙，相信今年都無乜機會見，不過我唔會因報道而避忌。（唔係你杯茶？）乜都唔飲，飲水（錢）最實際。」

採訪︰Pauline

攝影︰林良明

編輯︰林梓添

美術︰梁政敏