袁偉豪目不斜視

袁偉豪（Ben）與黃智雯等昨日到馬鞍山宣傳新劇《三個女人一個「因」》，黃智雯大騷三吋事業綫，搞到Ben受訪時也不敢正面望她。問Ben是否怕女友張寶兒扭耳仔？他笑言︰「做乜唔敢睇啫，我同智雯係好朋友，其實我一早喺後台望咗啦，我幫眼睇下佢有無做好安全措施。」

黃智雯稱今次這身「菠蘿椰奶」造型是為配合劇情需要，平時不會那麼性感。問她男友是否已過目？智雯說︰「試衫嗰時男友已經睇過，靚就得啦。」提到該劇一拖再拖終於出街，智雯表示很開心，又謂該劇是她從影以來最大挑戰，視之為考牌作。可擔心賀年檔影響收視？她說不擔心，這是輕鬆喜劇，相信觀眾會看得開心。