亞視1.29重生 《百萬富翁》陳志雲豪派6500萬

亞視在去年四月「熄機」，昨日宣布「復活」推出「ATV亞洲電視App」，預計明年1月29日正式開台。吳雨以亞洲電視行政總裁身份出席儀式，亞視Icon藝員包括劉錫賢、朱慧珊等均現身撑場。

昨日大會宣布，陳志雲將「接替」陳啟泰主持《百萬富翁》，問到獎金數目？志雲大師笑言︰「高層今次唔使攞個篋出嚟喇，$6,500萬嘅現金亦都準備好，你哋有本事就嚟攞走100萬啦。」問他是否受亞視重金禮聘「過檔」？他立刻耍太極。「唔知喎，商台傾，我覺得合理嘅。（怕唔怕無糧出？）唔怕，見佢哋投資好大。」不過，志雲直認怕觀眾將他和陳啟泰作比較。「好過佢就唔好，話我差過又抑鬱，兩個人好難比較。」那他又可擔心被指倒戈？他說：「今次係好事，對製作人、好多觀眾，甚至TVB都係好事，多一個平台多競爭，應該共存共榮。」

曾醒明重出江湖

無綫企業傳訊部前副總監曾醒明，將擔任ATV外事部總監，預計明年一月初上班，曾生坦言：「今次重出江湖，主要係吳雨大哥，而營運總裁區偉林亦係我以前嘅直屬上司，佢哋都對我好好，我亦欣然接受邀請。」對於不少網民留言對亞視失信心？他就表示：「都理解，現在亞視想用全新形象見面，未開始就咁講唔公平，希望大家畀個機會。」

撰文︰Pauline

編輯：林梓添

美術：梁政敏