關智斌日本蒲基吧？ 軒仔︰可能入錯呢

張敬軒、許廷鏗及鍾舒漫等昨早到海洋公園出席《2017南區旅遊文化節閉幕禮》，對於關智斌近日被發現在東京蒲同志吧，密友軒仔表示不知情，更自爆以前在廣州唱K被陪唱少女嚇到彈起。

軒仔昨日被問到好友關智斌被影到在東京蒲同志酒吧，軒仔笑說︰「佢連中文都唔識，可能唔識日文入錯呢，（有無聯絡過佢？）無呀。其實我都試過畀朋友帶去廣州唱K，點知突然有小姐陪坐，嚇到即刻走。」

軒仔透露前晚與容祖兒在亞博館出席商演被她窮追猛打，遭對方取笑是「金蘭姊妹」，當他提到「師兄」劉浩龍，令祖兒立刻封口。軒仔表示一直都渴望跟祖兒一起開騷。「佢很有天后風範，我都係天后，『下一站天后』嗰種！」曾以「降兩度」身份翻唱天后金曲的軒仔，承諾明年會「找數」舉行翻唱騷，早前已入紙紅館申請檔期，希望能獲批。

感激HeHe緋聞助宣傳

此外，許廷鏗自爆在活動上遇到中學同學，還感慨中學時樣子很笨，到之後參加《超級巨聲》後獲封「將軍澳吳尊」才知道自己幾靚仔。笑問是否因為與「將軍澳李宇春」胡鴻鈞對比後的結果，他感謝與胡鴻鈞的「HeHe緋聞」幫他宣傳新碟，又笑指唯獨與吳業坤傳緋聞才沒有人信。

撰文︰Pauline

編輯︰林梓添

美術︰梁政敏