兩年後出嫁 男友封江若琳生煎皇后

江若琳（Elanne）和男友蕭潤邦（Oscar）前晚以情侶檔出席翠華集團50周年晚宴，已坐擁幾間生煎包店的Oscar，希望生意踏入十周年仍有好成績，更預告兩年後娶江若琳做「生煎皇后」。

Oscar表示與茶餐廳太子爺份屬好友，加上Elanne任表演嘉賓，所以前來撑場。問到Oscar可會上台情侶檔合唱？他笑言︰「我唔得㗎喇！我要夾定嘢畀佢食，佢每次表演都好緊張！」生煎包店搞得有聲有色，問到Oscar可期望與集團式食肆媲美？他坦言︰「出年第八年，過多兩年就到十周年，希望做到好成績，可以傳承幾代。（娶咗Elanne先講啦！）想十周年先，娶嘅嘢在心中。我覺得十周年前可以做好多嘢，計劃出年會再開新舖。（結婚後Elanne名正言順叫老闆娘？）我一直都叫佢生煎皇后，不過聽起上嚟生煎好殘忍咁。」

JW養聲唔敢飲酒

同樣獲邀出席的王灝兒（JW）表示每次去完蘭桂坊玩都會去食宵夜。被取笑酒後入去「照燈」，以便看清楚新相識朋友的樣貌，JW笑言︰「通常朋友入到去茶餐廳都變到好搞笑，因為佢哋好多時都醉晒。（你有無試過飲醉？）一時時啦，反而依家好少飲酒。」JW解釋因為唱歌和錄音，一定要保護把聲，怕飲酒後翌日聲沙，所以不敢亂來。

撰文︰Pauline

攝影︰林良明

編輯︰林梓添

設計︰招潤洪